Makinat e së ardhmes, me hidrogjen apo bateri elektrike?.

Tani është krijuar Toyota Mirai, makina që si karburant përdor hidrogjenin. Tashmë e vjetër, por për ironi hidrogjeni “është karburanti i të ardhmes, dhe gjithmonë do të jetë”.
Qelizat e karburantit u shpikën në vitet 1880. Ato u përdorën në kthimin e anijës kozmike Apollo në vitet 1960. Qelizat e karburantit punojnë duke marr hidrogjenin si lëndë dhe reaksioni i tij me oksigjenin prodhon elektricitet.
E vetmja ‘mbeturinë’ e tij është ujë. Problemet me qelizat e karburantit kanë edhe koston e tyre, zakonisht e matur në miliona dollarë. Me Mirai, e cila është fjala japoneze e të ardhmes, Toyota e ka ulur çmimin në rreth 60 mijë dollarë, dhe e ka sjellë makinën në versionin familjar.
Sapo sheh modelin Mirai gjëja e parë që vëren është gjatësia e saj prej 5 metrash. Është e rëndë 2 ton, dhe çmimi mund të jetë i lirë për teknologjinë, por për më pak para mund të merrni një Mercedes.

Por pse hidrogjenin si karburant?
Për të mbushur plot me karburant një Toyota Mirai, duhen vetëm tre minuta. Dhe me këtë sasi mund të udhëtosh për 350 km deri në rimbushjen radhës. Kjo është dyfishi i shumicës së automjeteve me bateri elektrike që janë aktualisht në treg. Dhe ky është vetëm fillimi. Automjetet më të mëdha, si kamionët apo autobusët do të kenë një serbator më të madh karburanti, për një distancë edhe më të gjatë. Toyota beson qartë se epoka e makinave me emision zero është këtu, dhe hidrogjeni do të jetë pjesë e tij.
Ka një kontrast të madh me rivalin e vjetër të Toyota-s, Nissan. Shefi i Nissan, Carlos Ghosn nuk ngurron të shprehë rezervat e tij për hidrogjenin. Ndërkaq, Nissan po investon tek bateritë me lithium.
“Ku është infrastruktura e hidrogjenit? Nuk ekziston, ajo duhet ndërtuar. Po infrastruktura elektrike? Kudo!”, ka thënë Ghosn. Dhe kjo është e vërtetë. Për momentin nuk ka askund infrastrukturë hidrogjeni.
Ndërsa për të karrikuar makinën tuaj elektrike, nga ana tjetër, ajo që ju duhet është vetëm një prizë 500 volt. Por disavantazhi është se pjesa më e madhe e baterive elektrike të makinave sot në treg kanë një limit, duan shumë kohë të karrikohen, deri në tetë orë.
Por kjo po ndryshon. Për të kuptuar këtë është makina alternative e Mirait, e krijuar nga Nissan, Leaf. Ajo nuk është një makinë e re, është në shitje prej katër vitesh.
Kur e nget, Leaf duket si një makinë normale, përveç qetësisë totale, dhe ka një përshpejtim të habitshëm. Shumë shpejt do të kuptoni se ky përshpejtim, “do të vrasë” vetë atë. Të ngasësh një makinë me bateri kërkon delikatesë. Nëse do të drejtoni me xhentilesë atë, mund të bëni 150 km vetëm me një karrikim. Këtu teknologjia bën sërish hap prapa.

Hidrogjen apo elektrik?
Për momentin Toyota është e vetme në rrugën e hidrogjenit si karburant, ndërsa Honda është shprehur se do i bashkohet shumë shpejt.
Dhe Mirai nuk do të ndryshojë botën brenda natës. Këtë vit do të prodhohen vetëm 700 copë. Nëse porosisni një tani, ajo do t’u vijë në 2018.
Nëse do të dëshironit një makinë me bateri elektrike, si Nissan Leaf, keni më shumë mundësi zgjedhje dhe më lirë, afërsisht tek 26 mijë dollarë. Vitin e kaluar BMV lancoi i3, Ford, Volksvagen, Renault, Kia dhe Mercedes po vijojnë rrugën e tyre drejt makinave me bateri elektrike.

Powered by Blogger.